Excursión ás Illas Cíes

Derradeiro sábado de setembro aproveitado ao 100%... porque sabedes que fixemos moit@s de nós? Fomos ás illas Cíes a pasar o día!

Por sorte, Lorenzo portouse ben e as nosas predicións estiveron acertadas.

Embarcamos ás 11h coa vista posta no noso destino, e entre conversas, risas e fotos, chegamos nun 'pis-pas'.

Rapidamente, sairon as tres opcións: ruta de subida ao Faro, ruta ao Alto do Príncipe e quedar na praia; e tod@s escollimos a nosa preferencia.

As persoas que quedaron na praia pasárono xenial xogando, facendo unha piscina enorme e desfrutando do mar.

As persoas que foron de ruta, desfrutando da boa compañía, da natureza e de vistas espectaculares. Temos que estar orgullos@s de vivir nun paraíso coma este!

Á hora do xantar baixamos á praia para comer xunt@s, mais sempre alerta para que as gaivotas non nos roubasen a comida.

Como non houbo obradoiro de sesta, para facer a nosa querida dixestión, xogamos a un xogo de xigant@s: o brilé cunha pelota moi moi grande!

Para baixar a comida tamén xogamos ao xogo da 'Estrela', onde tivemos que competir, correr e chearnos de areas para gañar.

Chegou a hora de bañarse e non vos podedes imaxinar o boa que estaba a auga, non dabamos saído... Normal que quedaramos cos dedos 'arrugaos' coma esponxas...

E como digo sempre, todo o bó ten un final, chegou a hora da volta á casa.

Cantando, xogando e pasando a uns metros dos dous transatlánticos que estiveron en Vigo, pasamos os nosos derradeiros minutos en amor e compañía.