Magosto

O pasado sábado 8 de novembro tivemos o noso Magosto xentenoviano xunto coa A.VV. San Roque. Eles porían as castañas e nós os xogos.

Frío e chuvia acompañáronnos pois nunha tarde na que os xogos tradicionais e as castañas foron as protagonistas. Cun plan A (de non chuvia) e un plan B (de chuvia), fomos salvando a tarde paseniñamente.  

Ían chegando pouco a pouco os rapaces e as familias para pasar con nós esta tarde de outono. Dentro do local estiveron a man os xogos de mesa, e disputouse, por exemplo, un torneo de xadrez de Bules que estivo moi axustado. Non faltaron tampouco o parchís, as cartas, o lince, o tabú ...

Cando deixou de chover, saímos fóra para xogar á buxaina e á corda, que foi a máxima protagonista. Saltamos e saltamos a máis non poder. Até con castañas nas mans ou na boca!