Mañás de Verán en Xentenova 2020

Aínda que o coronavirus todavía anda solto por ahí, Xentenova quere empezar a sair da casa pouco a pouco e coas medidas hixiénicas que sexan necesarias. E ti... Ves xogar connosco?

¡ATA O 20 DE AGOSTO!

DATAS: Comezamos o luns 6 de Xullo. (As datas de remate están pendentes de que nos autoricen a utilizar o local habitual. O posible campamento en Agosto tamén pode condicionar a data de finalización).

QUENDAS: Podes escoller vir por mes, por quincenas, por semanas ou en días soltos.

HORARIOS: 10:30h a 13:30h.

LUGAR: Locais de Xentenova e parques dos arredores. As saídas poderán ser por calquera lugar da cidade.
ACTIVIDADES: Aula de estudo e apoio escolar, BrainTraining, ludoteca, Obradoiro de guitarra, Obradoiros de manualidades, Saídas pola cidade e voluntariado se tes máis de 16 anos. (Abaixo explicamos cada unha delas máis polo miúdo).
DESTINATARIOS: Para rapaces e rapazas de idades comprendidas entre os 6 e os 18 anos.
INSCRICIÓN: Xa están abertas as listas provisionais de cada actividade. Escolle as que máis che gusten e apúntate xa! (Precisamos saber a demanda que hai por cada unha)
MEDIDAS ANTI COVID-19: Axustarémonos aos requisitos oficiais de aforo, utilizando mascarilla e priorizando a limpeza das mans. Os xogos e demais actividades as faremos gardando as distancias de seguridade. Priorizaremos as actividades no exterior sempre que sexa posible

Medidas COVID-19

Declaración Responsable

O documento que tedes que asinar todas as persoas que queirades asistir ás actividades

axx_MAÑÁS DE VERÁN_Declaración Responsab

Documento Adobe Acrobat 221.7 KB

Descarga

Protocolo de Emerxencia

O documento que tedes que ler antes de asinar a Declaración Responsable coas medidas que temos que aplicar en caso de detectar síntomas

axx_MAÑÁS DE VERÁN_Protocolo de Emerxenc

Documento Adobe Acrobat 331.5 KB

Descarga

Protocolo de Actuación

Outro documento que tedes que ler antes de asinar a declaración responsable coas medidas diarias de hixiene que imos aplicar.

axx_MAÑÁS DE VERÁN_Protocolo Xeral de Ac

Documento Adobe Acrobat 342.8 KB

Descarga

Aula de Estudo e Apoio Escolar

Principalmente para os que teñen tarefas do cole para o verán ou exames de setembro. Tamén poden participar aqueles que desexen reforzar as materias vistas durante o curso.

Horario: de luns a xoves de 10:30h a 12h. (Poden ser tamén días alternos segundo a demanda)

Brain Training

Para os que sacaron o curso con soltura pero non queren deixar de mover a cachola durante o verán. Faremos unha morea de xogos para seguir facendo algo de cálculo, vocabulario, xeografía, Inglish Pitinglish, ...

Horario: Entre luns e xoves de 10:30h a 12h. (Os días e as horas dependerán un pouco da demanda)

Ludoteca

Para xogar e volver a xogar: correr, saltar, gritar, xogos de probas e pistas, mini deportes, xogos de mesa e co paracaídas, xogos populares, ... Unha morea de cousas para exercitar a imaxinancia. Será no local de Xentenova e nos parques anexos.

Horarios: De luns a xoves dentro do horario xeral. (Os horarios dependerán da demanda).

Obradoiro de Guitarra

Aprende a tocar a Guitarra. Dirixido tanto para os que empezades de cero como para os que xa sabedes cousas e queredes aprender máis. Haberá varios grupos e quendas segundo os niveis. En principio será unha clase por grupo á semana, pero dependendo da demanda pode que cheguemos a facer dúas.

Horarios: Serán clases de 1h 15min dentro do horario xeral. (os días e os horarios concretos dependerán un pouco da demanda).

Obradoiros de manualidades

Este ano facer manualidades cobra maior relevancia ante as medidas a adoptar polo COVID-19, xa que nos permite estar entretidos cada quen coa súa obra de arte persoal. Será un obradoiro á semana repartido en dúas sesións en días alternos.

Horario: Martes e Xoves de 12h a 13:30h. (Estes horarios poden cambiar segundo a demanda)

Saídas

Serán os venres pola mañá en xeral dentro do horario habitual. Poderemos ir a calquera lugar da cidade a xogar. Puntualmente pode que organicemos algunha máis longa na que cada quen leve a súa comida e os pais e nais os recollades despois de comer. Ex. Baixar polo lagares e xantar no parque de Castrelos facendo alí a recollida.

Horario: Venres de10:30h a 13:30h. (Puntualmente ata despois do xantar)

Voluntariado

Se tes 16 anos ou máis, podes vir a axudarnos coas actividades. Facer voluntariado con nenos pode ser un fantástica maneira de ocupar o teu verán e aprender unha morea de cousas importantes a nivel persoal.

Podes vir todos os días ou dias soltos. O único que che pedimos é que sexas responsable tanto cos días que escollas vir, como cos rapaces nas actividades.

Por suposto esta actividade é totalmente gratuíta para ti.