Educando no tempo libre dende 1985

1ª Trav. de Couto San Honorato Nº3, Baixo

36.204 - Vigo (Pontevedra)


626 531 723

Programa CultivArte

O programa cultivarte é un programa que funciona de maneira transversal aos que consideramos os máis importantes da entidade polo seu valor educativo: programas infantil e Xuvenil. Ideouse como un complemento a eses dous programas e ten como finalidade promover espazos onde os participantes se "cultiven" persoalmente a traves da cultura e o "arte". Está pensado ademais para todas as idades.

Obradoiro de Guitarra

Aprende a tocar a guitarra dunha maneira sinxela e amena, sen agobios, ao teu ritmo. O obxectivo final é que sexas quen de interpretar calquera canción que che pete dunha maneira digna.

  • Cando se fai?   Os venres pola tarde en quendas de 1h e 15 min. (Aos novos e pequenos chégalle con 1h. Os grupos fórmanse tentando mesturar na medida do posible 3 conceptos: necesidades de horarios dos participantes, idades e niveis musicais).
    • 17:15h a 18:30h
    • 18:45h a 20:00h
  • Onde?   Nos locais habituais da entidade.
  • Canto custa?   15€ ao mes. (Terás descontos se vas a outras actividades. Lembra que todos as familias pagan unha cota anual de afiliación de 50€)

Apoio Escolar

Unha axuda cos estudios para quen a precise. O obxectivo principal é axudar a paliar o crecente fracaso escolar promovendo o hábito de estudiar un chisquiño cada día.

  • Cando se fai?   Luns, Martes, mércores e xoves en dúas quendas de 1h e 30 min.:
    • 17h a 18:30h
    • 18:30h a 20h (Os xoves non)
  • Onde?   Nos locais habituais da entidade.
  • Canto custa?   20€ ao mes. (Terás descontos se vas a outras actividades. Lembra que todos as familias pagan unha cota anual de afiliación de 50€)

Aula de Inglish Pitinglish

Unha aula para que veñas a xogar co inglés. Para mellorar o noso nivel sen decatarnos, a medida que xogamos. Tenta ser algo transversal ao que facemos no cole, polo que non faremos os deberes nin levaremos ritmo escolar. 

  • Cando se fai?   Xoves durante 1h e 30 min.:
    • 18:30h a 20h (Se hai xente suficiente poderanse facer dous grupos sendo o outro o martes á mesma hora)
  • Onde?   Nos locais habituais da entidade.
  • Canto custa?   15€ ao mes. (Terás descontos se vas a outras actividades. Lembra que todos as familias pagan unha cota anual de afiliación de 50€)

Festas

 

E por suposto organizamos as festas tradicionais... Festa de Inicio de Curso, Festa do Magosto, Festival de Nadal, Festa de Entroido e Festival de Fin de Curso.

Excursións

Cada ano promovemos a lo menos dúas excursións... unha á Neve en Xaneiro e outra á Praia en Xuño. Nos últimos anos tamén tentamos facer outra a finais de Setembro para o derradeiro baño do verán. E tamén tentamos que saia unha en bici. Estas excursións están abertas a nais e pais, e todo o mundo mundial. Pretendemos que sexan unha oportunidade de afianzar os lazos entre os diferentes participantes habituais da entidade así como darnos a coñecer a outra xente.

Xornada Solidaria

Cada ano escollemos un proxecto solidario cun dobre obxectivo... sensibilizar aos rapaces e as súas familias en torno á temática que desenvolve e colaborar económicamente co mesmo.